American Standard တွင် ကျွန်ုပ်တို့သည် သင့်ရေချိုးခန်းကို သင့် ကားဂိုဒေါင်နှင့် အရွယ်တူသင့်သည်ဟု ထင်ပါသည်။ တကယ်တန်းတွင် ယင်းသို့မဖြစ်နိုင်ကြောင်း ကျွန်ုပ်တို့ သိမြင်ပါသည်။ အောက်ပါတို့မှာ တယ်လီဖုန်းဆက်သည့် အခန်းငယ်ကို ရေချိုးခန်းတစ်ခန်းအဖြစ် ပြောင်းလဲရန် နည်းလမ်းများဖြစ်ပါသည်။

Uနုသော၊ အေးသော အရောင်များကို သုံးပါ၊ ၎င်းတို့သည် လေကိုခံစားသကဲ့သို့ရှိပြီး မျက်စိကို ၎င်းတို့နောက်သို့ ကြည့်စေရန် လှည့်စားနိုင်ပါသည်။ ဒီဇိုင်းသေးသေးပါသော နံရံကပ်စက္ကူကလည်း နေရာကို ချဲ့ထွင်ပေးနိုင်သည်။ အချို့ကို မျက်နှာကြက်တွင် ကပ်ကြည့်ပါ။ သို့မဟုတ် ထပ်တူ ဒီဇိုင်းအရောင်နုနုပါသော ကျောက်ပြားအသေးကို ကြမ်းပေါ်တွင် ခင်းပါ။ အလင်းရောင်ကို များများပေးပါ။ ခေါင်မိုးမှလာသော အလင်းရောင်၊ ဘေးပြုတင်းပေါက် သို့မဟုတ် ဖန်အုတ်တို့လည်း အံ့အားသင့်ဘွယ်ကို ဖြစ်စေပါသည်။

စကျင်ကျောက် အလှဘီရိုကဲ့သို့ ရောင်ပြန်ဟပ်သော မျက်နှာပြင်များကို ရွေးချယ်ပါ။ ထိုနည်းတူ အခြေခံသဘောတရားအရ သင် တပ်နိုင်သည့် အကြီးဆုံးကြည့်မှန်ကို တပ်ဆင်ပါ။ ဖန်ရေချိုးခန်း အကာအရံကို သုံးပါ။ အစိတ်စိတ် အမွှာမွှာ မကွဲနိုင်သည့်မှန် ဖြစ်ပါစေ။

အလျားလိုက်မျဉ်းကို အသားပေးပါ။ ကျောက်ပြားအနားကွပ်ကို အသုံးချနိုင်သည်။ အကယ်၍သင့်အခန်းသည် ကျဉ်းပြီး ရှည်မျောမျောဖြစ်ပါက တိုသောနံရံများကို အရောင်ရင့်သုတ်ခြင်းဖြင့် ပို၍အလေးသာစေသည်။ အသုံးမပြုသော ထောင်လိုက်နေရာကို ပစ္စည်းသိုလှောင်ရန် ထားပါ။ ဥပမာ၊ အိမ်သာ၏အပေါ်တွင် ဘီရိုကိုထားပါ။ ချိတ်များစွာ ထားရှိပြီး ခြင်းတောင်းများကို ချိတ်ပါ။

ကောင်းသည့် အချက်မှာ အကယ်၍သင့် ရေချိုးခန်းသည် ကျဉ်းပါက သင်သည် ငွေကို ပစ္စည်းများအတွက် ပိုသုံးနိုင်လိမ့်မည်။